Esa especialización referida na entrada anterior está relacionada coas propias rutinas de traballo na sección. Por exemplo, Laura Monsoriu dedícase unicamente á elaboración de infográficos. Iso non quere dicir que dentro desa labor se especialice aínda máis nunha determinada temática. Por que? A resposta é sinxela. Como di o diseñador gráfico de FARO, Elías Regueira, é fundamental que o xornalista saiba exactamente como quere o gráfico, que o traia perfectamente estruturado. Se a información está ben dada, a Laura, que é unha artista dos infográficos, tanto lle fai que as pezas falen do prezo das patacas, do sexo das ras ou de física cuántica. É por isto que cómpre precisar a que nos referimos cando falamos de especialización.
No hay comentarios:
Publicar un comentario